神秘主義(Mysticism, 希臘話 μυστικός mystikos)係一種宗教現象，即係指通過某啲修煉或者方法，去達到某一種精神或者靈性嘅境界，至於達到乜嘢境界，就要視乎唔同宗教嘅信仰目的而定，唔同宗教嘅神秘主義表達方式都唔同，但普遍計都係以感受同神之間關係為主要目的，所以以有神論做基礎嘅宗教，都會涉及神秘主義。
宗教學角度認為，神秘主義係所有宗教嘅核心，甚至就係宗教嘅本質，但亦有啲學者認為神秘主義只係構成宗教嘅其中一個元素。神秘主義嘅神秘，其實係指每個宗教信仰最終極嘅對象，而呢個對象好多時係唔可以解釋、接觸或者表達得到，所以為之神秘。
雖然有人認為神秘主義只係喺宗教入面其中一種形式，不過亦有純粹神秘主義嘅宗教或者宗教派系，例如諾斯替主義就係一種神秘主義嘅信仰，而諾斯替主義亦對基督教、猶太教仲有好多宗教都造成影響，好似猶太教嘅神秘主義派系喀巴拉，或者伊斯蘭教嘅蘇菲派，都係純粹以神秘主義作為宗教形式。

定義
宗教學角度認為神秘主義係所有宗教嘅基礎，甚至認為神秘主義就係宗教本身，不過亦有一個學術定義，宗教神秘主義要合乎四點：

不可言說性

可知性

暫時性

被動性

神秘主義悖論