北賽浦路斯土耳其共和國（土耳其語：Kuzey Kıbrıs Türk Cumhuriyeti，縮寫為KKTC，希臘語：Τουρκική Δημοκρατία της Βόρειας Κύπρου，縮寫為ΤΔΒΚ）係一個位於賽浦路斯島北部，仲未受到國際承認嘅政治實體。一般簡稱北塞浦路斯。哩個主要係由賽浦路斯島上嘅土耳其人後裔建立嘅政權控制咗島上北邊約1/3面積嘅土地，並晌1974年時宣佈獨立建國，稱為「北賽浦路斯土耳其共和國」，但而家全世界得土耳其同埋阿塞拜疆兩個國家承認北賽浦路斯政權。北賽普勒斯同埋島南嘅希臘裔政權都佔有尼古西亞（土耳其語：Lefkoşa，希臘語：Λευκωσία）部份範圍，因此雙方都用哩個城市做首都。