Template:香港政黨表 民主建港協進聯盟（簡稱民建聯，英文">英文：Democratic Alliance for the Betterment and Progress of Hong Kong），香港政黨，響1992年7月10日成立，係依家香港最大嘅政治組織，亦係香港立法會第一大政黨。

簡史
民建聯原本叫民主建港聯盟，成立時以親北京人士為骨幹。創黨會員中，有工聯會幹事（包括陳婉嫻、陳鑑林、譚耀宗）、中學老師同校長（曾鈺成、程介南、葉國謙、馬力），而香港特區首任律政司司長梁愛詩亦係佢哋嘅創黨黨員之一。

概述
1995年，民建聯第一次派人參選立法局選舉，喺唔少選區都同民主黨直接對壘。喺單議席單票制情況下，成績並唔理想，只贏得2席直選議席同4席功能組別議席。隨後中國政府響1996年設立臨時立法會，重委任民建聯多位成員入臨時立法會，令民建聯響立法機關喺力量大大增加。由於民建聯嘅親政府作風，畀人泛指為「親政府陣營」、「建制派」、「左派」、「愛國愛港」人士，亦被稱為「保皇黨」。
回歸後，譚耀宗被行政長官董建華委任加入行政會議。
1998年，香港立法會嘅選舉辦法變更，取消咗彭定康政改方案所設嘅"新九組"，改為其他功能組別；地區直選方面，改用比例代表制，令民建聯長期以來整體支持度較低而不能多取議席嘅情況改變。喺1998年香港立法會選舉中獲得9席，地方選區五區各取一席。2000年香港立法會選舉中獲得10席，新界西、九龍東、香港島更取得兩席，成為香港立法會內第二大黨，僅次於民主黨。同時喺2000年香港立法會選舉，副主席兼香港島選區名單第一名參選人程介南畀蘋果日報揭發以權謀私，一度使選情逆轉，但最後佢同喺港進聯轉投過來嘅蔡素玉雙雙當選，程氏宣佈當選後辭去議席及黨職，最終被廉政公署（廉署）拘控，再定罪入獄。
同年年底嘅補選，民建聯候選人鍾樹根以三萬票之差輸俾民主派支持嘅余若薇。
2002年，民建聯主席曾鈺成被行政長官董建華委任加入行政會議。

十年發展
由於民建聯支持香港基本法第23條立法，黨主席曾鈺成同中委並立法會議員陳鑑林響七一遊行當日稱遊行人士被誤導嘅印象深入民心，於是民建聯2003年香港區議會選舉中大敗，響400個直選議席中僅得62席。當中，以東區位於北角嘅錦屏選區蔡素玉火併「長毛」梁國雄、中西區位於西環觀龍選區葉國謙對戰何秀蘭等，最為激烈。哩次選舉失利，係民建聯創黨以來最嚴重嘅慘敗。選舉失利後，創會主席曾鈺成辭職，改由民建聯當時嘅秘書長，港區全國人大代表馬力2003年12月接任。

創黨以來最嚴重慘敗
響2004年立法會選舉，民主派選舉協調失當，加上民建聯成功動員，一共贏得12席，令民建聯成為擁有最多立法會議席嘅政黨。
2005年2月，民建聯同另一親政府政黨香港協進聯盟（簡稱港進聯）合併，改名為民主建港協進聯盟，簡稱仍然係民建聯。
2007年1月1日，民建聯副主席葉國謙話，民建聯會員人數達8643人，成為香港各黨派中會員人數最多嘅政黨。
2007年8月8日，民建聯主席馬力因結腸癌併發於廣州病逝，終年55歲。
2007年8月28日民建聯選出譚耀宗為新任主席。

振作前進
現時香港第一大政黨，黨員人數超過10,000人，外界一般按民建聯黨員嘅背景而分為以下六大派系：

工聯會，以陳婉嫻為代表
鄉事派，以張學明為代表
福建派，以蔡素玉為代表
前港進聯成員，以譚惠珠為代表，主要為工商界人物。
教聯會派系，左派教育工作者聯會">香港教育工作者聯會系統出身嘅成員，包括頭兩任主席曾鈺成同馬力，以及前副主席程介南、現副主席葉國謙，都係出身自教聯會同左派學校教職員。
地方政客，以劉江華為代表 派系

曾鈺成（1992年7月─2003年12月）
馬力（2003年12月─2007年8月8日）

• （署理）譚耀宗（2007年8月8日─8月28日）
  譚耀宗（2007年8月28日─今） 歷任主席
  
  黨內架構
  
  常務委員會
  葉國謙(前立法會議員) 劉江華(立法會議員、公民力量創始人之一) 蘇錦樑(律師) 蔣麗芸(商人、蔣震女)
  秘書長
  曹王敏賢(前臨立會議員、曹宏威妻)
  副秘書長
  黃建源
  
  常務委員
  現時，民建聯在立法會共有11個議席，議員包括 Template:Col-2
  Template:Col-2
  
  蔡素玉 香港島
  陳婉嫻 九龍東
  陳鑑林 九龍東
  曾鈺成 九龍西
  劉江華 新界東
  李國英 新界東
  譚耀宗 新界西
  張學明 新界西
  王國興 勞工界
  黃容根 漁農界
  黃定光 進出口界