迷信係一種社會現象，對於乜嘢係迷信，到而家為止都無一個統一定義，不過多數嚟講有四個定義比較公認：

迷信係一種反科學力量，由於人對自然力量嘅恐懼、崇拜、神化、屈服嘅一種社會心理現象。
迷信係原始生活留低落嚟嘅嘢，因為習慣而唔肯接受或者改變嘅觀點，變成一種反科學嘅行為。
迷信係啲人因為黑仔，唔好運於是出現嘅一啲唔理性行為，例如覺得有一種控制命運嘅力量支配住自己生活。
迷信係啲無根據支持嘅一啲信仰、習俗或者行為，根據《簡明大英百科全書》對呢種定義講，有分宗教迷信、個人迷信同文化迷信三種。 字源
迷信英文係Superstition源自拉丁話Superstare，係解『凌駕喺一啲嘢之上』，『一啲嘢』喺古希臘時代係指官方宗教，換句話講迷信最初意思即係指官方宗教之外嘅其他宗教。但之後由於啲人接觸嘅宗教種類越嚟越多，迷信定義亦開始改變。