郭政鴻，真名係郭錦雄(係「雄」唔係「鴻」)，英文名叫Derek Kok(唔好寫錯做Kwok)，佢係無綫電視嘅藝員，佢以前喺龍虎武師嚟㗎，佢細細個就學功夫，所以好好打架，佢又去過亞記做替身，又拍過戲，之後貪得意走去參加新秀歌唱大賽，仲喺台上打咗個唔洗用手嘅後空翻，睇到人眼都凸埋，後嚟佢就俾人睇中去咗拍戲，仲識咗周海媚，周海媚話佢知無記有藝員訓練班讀，仲幫佢遞埋表添，佢讀嗰期係第四期無綫藝員進修班，咁就成為咗無記演員，一做就做咗成廿年有多，夾埋夾埋拍咗成70部電視劇㗎喇。