鹹田係香港好易搵到嘅地名，通常係響河同海交界之處。因為香港山多平地少，有人會響呢啲地方開村開田。呢度開嘅田因為近海，田裏面會有水係鹹鹹地，所以叫鹹田。鹹田唔係樣樣嘢都種得，咁啱香港一帶有一種稻可以生響呢啲地方。村民就係靠種呢種稻為生。香港有唔少鹹田，所以亦有唔少村到地方以佢為名。
以前啲人識字唔多，有時就簡寫做咸田。到人學識多咗，就嫌呢個名唔夠文雅，唔少都改叫藍田。
響香港嘅鹹田：
新九龍藍田，以前有馬游塘河水流落官塘呢個海灣。
西貢鹹田灣，係沙灘，中間有溪流出海。今日係露營地點。
大嶼山杯澳鹹田，近貝澳沙灘河流入海之處。
荃灣鹹田街。