趙佗，又寫做趙他(他同佗小篆時係同一個字)，係南越國開國君主，號武王，原本係秦國將領。佢係征五嶺之南嘅任囂心腹大將。征服嶺南之後，佢地就留響當地，始皇帝命任囂做南海郡守，而趙佗就做咗龍川縣命。到秦末，各地反抗秦國暴亂，而且變成各支軍隊，一面抗秦，一面互相攻伐。而呢個時候，任囂病危，佢就私下交托南海郡畀趙陀，重叫佢準備好封閉五嶺關口，防止北方亂軍入侵，同埋佔領嶺南桂林郡同象郡，自立為王，割據一方。