鬚鯨亞目 (Mysticeti) 係喺鯨目之下，包括晒所有冇牙齒嘅鯨魚。
呢個亞目嘅鯨魚大部份比齒鯨亞目大好多，當中仲包括埋全世界最大嘅動物藍鯨。
不過，智商就唔夠齒鯨亞目，而且泳速同敏捷度都差好多。

食物
由於鬚鯨泳速慢，因此好容易有外寄生蟲依附，仲好易畀人殺。佢哋一直係捕鯨者嘅目標，支持捕鯨嘅國家年年都捕殺超過繁殖數目嘅鬚鯨，所以數量一直下降得好緊要。今時今日，冇一種鬚鯨唔係頻危。
日本人、挪威人、冰島人同愛斯基摩人都以鬚鯨為食物。日本人認為鯨肉係上品，以為鯨肉好有益，但其實鯨肉含好高嘅水銀，人類不宜食用[2]。至於日本人用來煲湯嘅鯨脂（日本叫鯨汁），水銀含量超出標準最少 5 倍。