太平山（英文">英文：Victoria Peak），係指「太平山山頂」，簡稱山頂（英文：The Peak），係香港島嘅旅遊景點">旅遊景點，因此有「遊港第一正選」之稱。聽講太平山原名係「硬頭山」。後尾，太平山又叫做扯旗山、爐峰或柯士甸山。係英國殖民地時期，用維多利亞女王個名黎命名，山頂又叫做維多利亞山，英文用到而家。太平山海拔552米，係香港島最高嘅山峰，亦係香港第11高嘅山峰。
太平山山頂範圍包括爐峰峽、奇力山、觀龍角、歌賦山同種植道，係香港最有錢嘅人，同埋部份外國領使駐香港嘅居所。太平山山腳係香港中心商業區，即係中環同埋上環等地方。山頂同山腳之間嘅地方，即係山腰係叫做半山區，都係住宅區為主。